¡Derribemos los pilares de la hispanidad!!

Aragón leba 300 años baxo a ocupazión española, dende que os Borbons con
Felipe V de Castiella, por a fuerza de as armas fazión disparixer o 29 de
chunio de 1707, por os *clamaus* "Decretos de nueva planta", a identidat
nazional de o País. Sinnificó a muerte de Aragón como  entidat
churidico-politica soberana e independién, que mientres a istoria eba contau
con lechislazión y dreito propio: os Fueros de Aragón, destacando a fegura
de o Chustizia Mayor como guaranzia de o suyo cumplimiento.



Güe, 300 años dimpués, continamos barallando por rebiscolar dentre o calibo
y fer espurnar a flama, que encara ye biba, de @s reboluzionari@saragoneses/as

Os *Pilars* de iste año 2007 ban á estar l'eszenario de presentazión de una
ripa de autos organizaus dende un nuebo prochecto, que se ha clamau B.I.C. (
*Bloque independentista de cuchas*), y aintro de un lema conziso:
"esboldreguemos os Pilars d´a ispanidat". En o B.I.C. i partizipan cuatro
organizazions: *Chobenalla*, *A Enrestida*, *Puyalón* *y Estau Aragonés*,
treballando de conchunta ta aduyar a fer unos *Pilars* más populars y
combatibos.



O B.I.C. surte debán de a nezesidat de articular a la soziedat aragonesa en
torno a un prochecto orizontal, antipatriarcal, independentista y sozialista
reboluzionario, que sirba ta planteyar una alternatiba a las autuals opzións
politicas esisténs en Aragón y con as que nos somos mica d´alcuerdo. No ha
estau a primer begada que se creya una plataforma de ista mena ta fer autos
de conchunta entre esferéns coleutibos y entidaz politicas, con mayor u
menor esito, por ixo no pretendemos estar a tuca de o mobimiento, pero sí a
lagor y o prezendén de un Bloque contino y perén, que faiga serbir as suyas
ferramientas, dende a independenzia de cada organizazion que lo integra, ta
espardir y treballar por a independenzia de Aragón y o sozialismo.  Un
prochecto dende l´asamblearismo que quiere plegar en a soziedat, trucar o
ficazio y continar entadebán, ta lo que amenistamos  l´aduya de toz y todas
@s aragonesas/es de cuchas. Asinas que tos animamos a partizipar-ie.



Puedes beyer o cartel punchando asti ->
http://img404.imageshack.us/img404/7481/enviogq8.jpg





Os autos que imos á fer son:



-         *Chuebes 11 y Sabado 13 (de nueis)*: Borina Popular en a Pza Asso
(mosica, biera, autibidaz,…)

-         *Chuebes 11*: Pasabillas por as carreras y bars d'a Madalena.
Escomenzipia en *A Enrestida*

-         *Biernes 12*: Audizión Punk-Oi! Dende as 5 d'a tardi en *A
Enrestida*

-         *Sabado 13*: Lifara Independentista dimpués de chentar en *A
Enrestida*





*ESBOLDREGUEMOS OS PILARS DE A ISPANIDAT!*

*INDEPENDENZIA Y SOZIALISMO!*





Si tenez bella duda, proposa, u lo que siga, podez escribir-nos a:
bloqueindependentista@gmail.com



PS: Aduyanos a fer publizidat de tot isto. Fer-lo serbir en foros, fotologs,
blogs,.. Nimbia-lo por e-mail,… Muitas grazias!