Aragón ye trilingüe

No demandamos que igualdat y rispeto. No desichimos que ixo que claman
democrazia.

*Manifestazión Aragón ye Trilingüe*
Sabado 16 de mayo, 12.00 oras
Glorieta Sasera (Zaragoza)

Somos sieglos de marguinazión, bergueña y ixubliu. Somos ixe nino carrañau
en a escuela por charrar como en casa suya. Somos ixe mozo beniu ta la
ziudat que charraba basto. Somos ixe polaco que parla chapurriau. Somos ixa
biella que morió charrando igual como sus pais, pero no como los suyos
fillos. Somos ixa parola correchida. Somos ixe lugar ixublidau. Somos a
rebaixada cutiana

Pero tamién somos dignidat. Somos cultura. Somos resistenzia. Somos ixas
luengas que encara no han puesto acotolar. Por ixo, iste cabo de semana ye
una fita istorica. Dimpués de sieglos saldremos t'as carreras de Zaragoza ta
desichir os nuestros dreitos furtaus. Saldremos a amostrar-ie o nuestro
tresoro, o nuestro erenzio lingüistico. So que ixo.

Aragón ye trilingüe, y prou que continará estando-ne.